Atualitât, Dome pal blog, Friulanofobie

Zornade internazionâl de lenghe mari. Ocjo al «monalinguismo»!

A tacâ dal 2000 chê dai 21 di Fevrâr e je la Zornade internazionâl de lenghe mari.

Cheste ricorence e je stade proclamade de bande de Conference Gjenerâl de UNESCO ae fin dal 1999. Il so intindiment al è chel di promovi il valôr de diversitât linguistiche e il dirit di doprâ la lenghe proprie.

La impuartance de cuistion e salte fûr ad in plen de date sielzude de UNESCO, a pro des lenghis e dal dirit ae lenghe. Cun di fat, ai 21 di Fevrâr al cole l’inovâl di une grande manifestazion fate tal 1952 dai students de Universitât di Dhaka a pro dal ricognossiment de lenghe bengalese (‘bangla’) tant che lenghe uficiâl.
In chê dì diviers manifestants a forin copâts de bande des fuarcis di polizie dal Pakistan, che in chê volte al cjapave dentri ancje il Bangladesh, deventât indipendent dome tal 1971.

Magari cussì no, si scuen scombati ogni dì par chest dirit.
E ogni dì a vegnin fats indenant ostacui e prejudizis di ogni sorte cuintri di chest dirit e plui in gjenerâl cuintri dal pluralisim linguistic.

Chest al sucêt ancje – e in maniere particolâr – in Friûl.

Une testemoneance di cheste situazion – che e fâs vignî i sgrisui, pal nivel di ignorance e di arogrance e che ur fâs cuintri no dome ai dirits e al plurilinguisim ma ancje al bon sens – e je chê
che si pues lei su Facebook, achì. O sin solidaris cun cheste famee.

Par chest ategjament, une vore presint tal Stât talian, e je stade cjatade ancje une definizion.
Al ven clamât «monolinguismo isterico» e al cjape sù diviersis formis, cemût che si lei achì, achì e achì.
Un fenomen che al è simpri plui «isterico».
Plui che «monolinguismo», al è «monalinguismo».

Advertisements
Standard

5 thoughts on “Zornade internazionâl de lenghe mari. Ocjo al «monalinguismo»!

  1. Pingback: Lis lenghis locâls pe citadinance globâl | LIDRÎS E BUTUI

  2. Pingback: Simpri plui isteric, simpri plui mone | EURO FURLAN

  3. Pingback: Il «monalinguismo» nol à confins | EURO FURLAN

  4. Pingback: I.BI.S., dai 7 di Març a Udin si resone su plurilinguisim e integrazion | LIDRÎS E BUTUI

  5. Reblogged this on LIDRÎS E BUTUI and commented:
    Îr e jere la Zornade Internazionâl de Lenghe Mari.
    Ancje chest an o ricuardìn cheste ricorence impuartante, ancje se une dì dopo de date uficiâl.
    E je une cuistion che nus tocje ducj e che e vâl ducj i dîs e no dome ai 21 di Fevrâr.
    Par chel o recuperìn un articul cjatât in rêt doi agns indaûr, che par sigûr al vâl ancje in dì di vuê.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s