Atualitât, Dome pal blog

Ni “piccola patria”, ni “grandi opere”

Vie par chestis setemanis si fevele une vore di autonomie (chê regjonâl o chê dal Friûl? Boh!) e di infrastruturis e “grandi opere”. Cun di plui al torne a fâsi indenant une tindince a dineâ la esistence dal Friûl, fintremai te denominazion de aghe minerâl e des manifestazions sportivis.

Al somee che il Friûl al ledi ben dome in tiermins di servitûts militârs o di servitûts di passaç e che par chest nol vedi dirit nancje al so non (no i covente…): la vecje idee de “piccola patria”, dal Friûl stramudât intune grande caserme, cumò e ven tornade a fâ indenant inte vieste de “regione ponte” e de “piattaforma logistica”.

Sgarfant in rêt o vin cjatât doi articui che nus ufrissin une cjaladure diferente.
Sul Novi Matajur di joibe passade al è un toc che cuintri de “regione ponte” al fâs indenant la idee de “regione punto” e duncje cuintri de “piattaforma logistica” al presente une prospetive alternative, che nus cjate ad in plen in cunvigne: chê che a chest pont o clamaressin de “plataforme logjiche”.
Un altri al è un editoriâl di Ezio Gosgnach, jessût ancjemò tal 2009 su La Vita Cattolica, che si pues leilu ancje sul blog dal Comitât/Odbor/Komitaat/Comitato 482, là che si fevele des infrastruturis che a coventin pardabon. Ancje in chest câs lu “cuotìn” cun convinzion.

Buine leture.

Advertisements
Standard

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s